«ЎФА ва ЎзПФЛ томонидан ўтказиладиган мусобақаларда иштирок этувчи футбол клубларини лицензиялаш ва профессионал футбол клуби мақомини белгилаш бўйича регламент» кўра клубларни лицензиялаш бўйича Ишчи гуруҳи 4 декабрь куни «Сўғдиёна» ва 12 декабрь куни «Металлург» футбол клубларида белгиланган талабларнинг бажарилиши юзасидан мониторинг ўтказди, деб хабар беради ПФЛ матбуот хизмати.
Ўрганишлар жараёнида иккала футбол клублари стадионлари майдонининг талаб даражасида эмаслиги, майдон ёритиш тизимини мутахассисларни жалб этган ҳолда созлаш кераклиги, стадиондаги ўриндиқлар, футболчиларнинг кийиниш хоналари, ҳакамлар ва комиссар хоналари таъмирталаб ҳолатга келиб қолганилиги, футбол академиясини ташкил этиш чоралари кўрилмагани, молиявий қарздорликларни бартараф этилмагани, шунингдек, «Сўғдиёна» стадионида ОАВ ҳодимлари учун етарлича шароитнинг мавжуд эмаслиги аниқланган.
«Сўғдиёна» ва «Металлург» футбол клублари томонидан мазкур камчиликлар жорий йил 25 декабрь санасига қадар бартараф этиш чоралари кўрилмаса, Ўзбекистон Профессионал футбол лигасининг клубларни лицензиялаш бўйича ишчи гуруҳи хулосасига асосан футбол клубларини келаси мавсум учун Суперлигадан четлаштириш масаласи кўриб чиқилади, дейилади хабарда. Бу борада «Сўғдиёна» ва «Металлург» футбол клублари ПФЛ томонидан жиддий огоҳлантирган.
Аввалроқ худди шундай камчиликларга эга «Бухоро» клуби ҳам Суперлигадан четлатилиши мумкинлиги ҳақида хабар берилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)