Футбол бўйича Ўзбекистон терма жамоаси ҳамда «Локомотив» клуби ярим ҳимоячиси Икром Алибоев Жанубий Кореянинг «Сеул» клубига ўтди.
Маълум қилинишича, Алибоев «Сеул» билан шартнома имзолаган. Унга кўра, Икром 2021 йилгача Жанубий Корея клуби шарафини ҳимоя қилади.
Қайд этиш жоиз, «Сеул» ўзбекистонлик футболчилар учун бегона эмас. Сервер Жепаров 2010—2011 йилларда «Сеул» шарафини ҳимоя қилган ва жамоа билан Жанубий Корея чемпионига айланган.
«Сеул» аъзосига айланганимдан хурсандман. Клуб тарихи бой, стадиони ҳам ажойиб. «Сеул» вакиллари мени илиқ кутиб олишди. Ушбу клуб сафида Сервер Жепаров муваффақиятга эришган. Мен ҳам «Сеул» тарихига киришга умид қиламан» — дейди Алибоев.
Маълумот учун, Алибоев жорий мавсум Суперлиганинг 25 та учрашувида майдонга тушиб, 4 та гол уришга муваффақ бўлди.
«Сеул» жорий мавсум Жанубий Корея чемпионатида 11-ўринни эгаллади (ўзи 12 та жамоа иштирок этади). Клуб юқори дивизионда жон сақлаб қолиш учун плей-офф баҳсларида иштирок этди ва «Бусан IPарк» клубини икки ўйин натижасига кўра 4:2 ҳисобида мағлуб этди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)