Олий Мажлис Сенатининг ХVII ялпи мажлисида нутқ сўзлаган Ниғматилла Йўлдошев Ўзбекистондаги айрим мактабларда болалар ҳаётига хавф соладиган иситиш печларидан фойдаланилаётгани ҳақида гапирди, деб хабар берди «Дарё» мухбири Севара Нишонова.
«Биз куз-қиш мавсумига тайёргарлик ишларининг боришини ўрганиш ва мавжуд камчиликларни ҳал этишга кўмаклашиш мақсадида жойларда бўлганимизда, ижтимоий хусусан, таълим ва соғлиқни сақлаш муассасаларидаги аҳволни яхшилаш бўйича маҳаллий давлат ҳокимияти органлари, тегишли вазирлик ва идораларга таклифлар, зарур пайтда кўрсатмаларни мунтазам бериб келдик.Бироқ, Андижон, Бухоро, Навоий, Наманган, Фарғона ва Тошкент вилоятларида ўтказилган ўрганишлар шуни кўрсатдики, мазкур ҳудудлардаги 167 та мактаб мўрили чўян ва қўлбола печкалар билан иситилмоқда. Бошқа вилоятларда ҳам аҳвол бундан яхшироқ эканлигига ҳеч ким кафолат бермайди.Болаларнинг соғлиғига ва ҳатто ҳаётига хавф соладиган, уларда сурункали касалликларни келтириб чиқарадиган бу муаммони бартараф этиш бўйича Халқ таълими, Соғлиқни сақлаш вазирликлари қандай ташаббус ёки талаб билан чиқди?Агар бундай ташаббуслар, мисол учун, Молия вазирлигига киритилган бўлса, бу вазирлик қандай чоралар кўрди?Бу ҳолат эртага мудҳиш оқибатларни келтириб чиқармаслигига ким кафолат беради?Ҳолбуки, сизлар яхши хабардорсиз, ижтимоий тармоқларда ва фавқулодда вазиятлар тузилмаларининг ахборотларида ис газидан заҳарланишнинг аянчли ҳолатлари тўғрисидаги маълумотлар тез-тез тарқатилмоқда», — дейди Сенат раиси
Изоҳ (0)