Тошкент шаҳар ихтисослаштирилган кўзи ожизлар мактаб-интернатида Ўзбекистон матбуот ва ахборот агентлиги томонидан Ўзбекистон Республикаси Конституцияси қабул қилинганининг 26 йиллиги муносабати билан Ўзбекистон тарихида биринчи марта нашр этилган Ўзбекистон Республикаси Конституциясининг брайл алифбосидаги нашри тақдимотига бағишланган хайрия тадбири ўтказилди, деб хабар берди ЎзА.
Хайрия тадбирида иштирок этаётган Ўзбекистон матбуот ва ахборот агентлиги бош директори вазифасини бажарувчи Комил Алламжоновнинг таъкидлашича, бугунги кунда брайл алифбосида бор йўғи 18 турдаги ўқув-қўлланма мавжуд. Ваҳоланки оддий мактаб ўқувчилари 130 турдан ортиқ ўқув қўлланмалар билан таъминланган.
Комил Алламжонов тақдимот давомида мактаб интернат тарбияланувчиларига байрам совғаларини топширди.
Изоҳ (0)