Фарғона вилоят бошқармаси Мажбурий ижро бюросининг маълумотига кўра, МИБ Қўқон шаҳар бўлими томонидан жорий йилнинг 20 октябрда Қўқон шаҳар, Сохибзода Хазрат кўчаси, лойиҳавий уйда яшовчи Хамидов Рустам Ёқубович хонадонида электр фойдаланишнинг қонунийлиги ўрганилганда, Р.Хамидов шаҳар Электр таъминоти корхонаси билан шартнома тузмасдан электр энергиясидан фойдаланиб келаётганлиги аниқланган ва тегишли тартибда тармоғидан узилган.
Бу билан фуқаро Р.Хамидов ўзининг ноқонуний ҳаракатлари оқибатида Электр таъминоти корхонасига жами 23 млн. 150,4 минг сўм миқдорида зарар келтирган.
Худди шунингдек, жорий йилнинг 7 сентябрида Қўқон шаҳар, Хожиробод кўчаси, 10-уйда яшовчи Мадалиева Ёқутхон Абдуманноновна мутлақо ноқонуний равишда электр энергиясидан фойдаланиб келаётганлиги аниқланиб, жами 22 млн. 649,3 минг сўмлик электрни ўғирлаган.
Ёки, жорий йилнинг 24 ноябрида Қўқон шаҳар, Ровот кўчаси, 24-уйда жойлашган «Фаровон Қўқон Сервис» МЧЖда электр энергиясидан фойдаланишнинг қонунийлиги ўрганилганда, МЧЖ раҳбари Акрамов Умар Юнусович электр хисоблагичга ташқи таъсир кўрсатиб (перемичка) ноқонуний равишда электр энергиясидан фойдаланиб келаётганлиги аниқланган ва тегишли тартибда электр тармоғидан узилган.
Оқибатда фуқаро У.Акрамов давлат манфаатига жами 43 млн. 844,3 минг сўм миқдорда зарар келтирган.
Суриштирув давомида ҳуқуқбузарлар томонидан давлат манфаатларига етказилган зарарлар тўлиқ ундирилиши таъминланган.
Изоҳ (0)