«Ювентус» ва Роналду Флоренцияга сафар қилади, «Рома» эса «Интер» билан Римда жанг қилади (анонс)

1 декабрь, шанба куни футбол бўйича Италия А Сериясининг 14-тур баҳслари бошланади.

Турнинг илк ўйинида СПАЛ жамоаси ўз майдонида «Эмполи»ни меҳмон қилса, Криштиану Роналду етакчилигидаги «Ювентус» Флоренцияга — «Фиорентина» майдонига сафар қилади. Биринчи беллашув 19:00, иккинчиси эса 22:00 да бошланиши белгиланган.

2 декабрь, якшанба куни «Милан» «Сан-Сиро»да «Парма» билан беллашади. «Лацио» эса ушбу турда «Кьево» меҳмони бўлади. Турнинг марказий ўйини эса Римда кечади. Унда «Рома» жамоаси Миланнинг «Интер» клубини қабул қилади.

14-турнинг сўнгги ўйини эса 3 декабрь, душанба куни бўлиб ўтади. Унда «Наполи» жамоаси «Аталанта» майдонига сафар қилади.

13-турдан кейин А Серия мусобақа жадвалидаги ҳолат