«Ласковий май» гуруҳи продюсери Андрей Разин Алла Пугачёва ҳақида баъзи салбий фикрларини айтиб ўтди, деб ёзади «MK.ru». У 69 ёшли хонанданинг қўшиқчилик қобилиятларини танқид қилди.
Продюсер Примадонна дастурхон атрофида қўлида сигарета ушлаб турган суратини эълон қилди. Разиннинг айтишича, Пугачёва ёшлик чоғларида, ҳатто фарзандини катта қилаётган пайтларда ҳам чекиб келганидан доим ҳайратланган.
Разиннинг ишонч билан таъкидлашича, айнан ушбу зарарли одат Примадоннани «ўртамиёна қўшиқчи»га айлантирган, чунки унинг овози кескин ўтириб қолган. Аммо у хонанданинг овози илгари дунёдаги энг яхши овозлардан бири бўлганини тан олди.
Хабари сўнгида у мухлисларига ўзининг қўшиқларини тинглашни маслаҳат берди. «Чекмайдиган, аммо жуда нафис қўшиқчи Андрей Разиннинг овозини тингланг», — дея хулоса қилди у.
Изоҳ (0)