15 ноябрь куни рэпер Канье Уэст Twitter’га Backstreet Boys гуруҳининг I Want It That Way қўшиғини бир неча киши билан куйлаётгани акс этган суратни жойлади, деб ёзади TJournal.
У сурат қачон ва қаерда олингани, караокедаги шериклари кимлигига аниқлик киритмади. Аммо ўнг томонда турган йигит кимлигини Twitter фойдаланувчиларининг ўзлари топди ва у ҳақиқатан ҳам Марк Цукерберг ёки йўқлигини қизиқиб сўрай бошлади.
Уэст мухлисларининг саволларига жавоб бермади, аммо Ғарб ОАВлари у ҳақиқатан ҳам Facebook раҳбари Марк Цукерберг эканлигини ишонч билан қайд этди.
Нашр эслатишича, 2016 йилда Уэст Twitter орқали Цукербергга ёрдам сўраб мурожаат қилганди: у катта қарзи борлигини маълум қилиб, Facebook асосчисидан унинг ғояларига 1 миллиард доллар инвестиция киритишни сўраган эди. Кейинроқ концертларидан бирида Уэст Цукерберг унга қўнғироқ қилмаганини айтганди.
Изоҳ (0)