11 ноябрь, якшанба куни Андижон вилоят ИИБ жиноят-қидирув бошқармаси коррупция ва иқтисодий жиноятларга қарши курашиш бўлими, Давлат хавфсизлик хизмати ҳамда департаментнинг вилоят бошқармаси ҳамкорлигида тезкор тадбир ўтказилди, деб хабар берди Андижон вилояти ИИБ матбуот хизмати.
Ўтказилган тадбир давомида Бўз туманида яшовчи Б.А фуқаро Ж.Б.га ҳар бир АҚШ долларини 8320 сўмдан жами 7800 АҚШ долларини 64 896 000 сўмга сотишга келишиб, 6000 АҚШ долларини берган вақтда ушланган.
Шу билан бирга, тадбир давомида фуқаро Б.А.да жами 2390 АҚШ доллари, 1000 Россия Федерацияси рубли ва 5 682 500 сўм пуллар ҳамда бир дона пул санаш аппарати борлиги аниқланиб, далилий ашё сифатида олинган.
Мазкур ҳолат юзасидан Ўзбекистон Республикаси Жиноят кодексининг 177-моддаси (Валюта қимматликларини қонунга хилоф равишда олиш ёки ўтказиш) 2-қисми билан жиноят иши қўзғатилиб, тергов ҳаракатлари олиб борилмоқда
Изоҳ (0)