11 ноябрь куни Фарғона вилоятининг Риштон туманида яшовчи А.Х. Nexia русумли автомашинани Қалайнов қишлоғи ҳудудида ҳайдаб кетаётиб қарама-қарши йўналишга чиқиб, тўғрисидан ҳаракатланиб келаётган Б.А. бошқарувидаги Nexia автомашинаси билан тўқнашув содир этган, деб хабар берди ИИВ Жамоатчилик ва оммавий ахборот воситалари билан алоқалар бошқармаси.
Натижада қарама-қарши йўналишга чиққан Nexia автомашинасининг ҳайдовчиси ва бир нафар йўловчиси жароҳат олиб касалхонага ётқизилган.
Ҳолат юзасидан дастлабки тергов олди ҳаракатлари олиб борилмоқда.
Изоҳ (0)