The Beatles Қизил майдон акс этган клипни тақдим этди (видео)

YouTube’даги The Beatles каналида Back in the U.S.S.R. қўшиғига ишланган янги клип пайдо бўлди, деб ёзмоқда Meduza.

Қўшиқ ва видеонинг сюжетига кўра, гуруҳ СССРга келади, аслида эса бу ҳеч қачон юз бермаган. Ролик асосан совет даври фильмларининг кадрларидан ташкил топган. Хусусан, роликда Москвадаги Қизил майдонни, Сталин кўп қаватли биноларини кўриш мумкин.

Ролик The Beatles гуруҳининг 1968 йилда тақдим этилган альбомининг 50 йиллиги муносабати билан чиқарилган. Back in the U.S.S.R. қўшиғи мазкур альбомни очиб берган.

Аввалроқ гуруҳнинг мазкур альбомдан жой олган Glass Onion қўшиғига олинган клипи тақдим этилган эди.

Жорий йилнинг 9 ноябрда альбомнинг юбилейи муносабати билан у қайта тақдим этилади.

The Beatles гуруҳига 1960 йилда асос солинган. Унинг таркибида Жон Леннон, Пол Маккартни, Жорж Харрисон ва Ринго Старр ижро этган. Шунингдек, жамоага турли вақтларда Стюарт Сатклифф, Пит Бест ва Жимми Никол қўшилган. Гуруҳ жами 13 та студия альбомини тақдим этган.

Rolling Stone журнали The Beatles аъзоларини барча даврларнинг энг буюк ижрочилари деб тан олган. Жамоа 1970 йилда биргаликдаги фаолиятни тўхтатган.