Facebook компанияси АҚШ Конгрессига оралиқ сайловлар олдидан хорижий давлатларга алоқадор деб тахмин этилган ўнлаб аккаунтларни блоклаб қўйди, деб ёзади «Газета.ru» ижтимоий тармоқ пресс-релизига таяниб.
Таъкидланишича, ижтимоий тармоқ раҳбариятига АҚШ ҳуқуқ-тартибот органлари ходимлари мурожаат қилиб, фаолияти шубҳали бўлган аккаунтлар ҳақида хабар қилган ва улар чет эл ташкилотлари билан алоқадор бўлиши мумкинлигини айтган.
Компаниянинг аввалги текширувлари натижасида мувофиқлаштирилган хатти-ҳаракатларда иштирок этганликда гумон қилинган 30 та Facebook ва 85 та Instagram аккаунтлари аниқланган эди. Улар зудлик билан блоклаб қўйилган, компания эса текширувда давом этган эди.
Блоклаб қўйилган Facebook аккаунтларининг деярли барчаси рус ёки француз тилларида, Instagram’даги аккаунтлар эса инглиз тилида юритилган.
Изоҳ (0)