Ўзбекистондан алдов йўли билан олиб чиқиб кетилаётган 3 нафар аёл тўхтатиб қолинди. Бу ҳақда ИИВ жамоатчилик ва ОАВ билан алоқалар бошқармаси хабар бермоқда.
Тошкент вилояти Қибрай тумани «Зафаробод» маҳалла фуқаролар йиғини ҳудудида жойлашган «Майский» чегара пости орқали 28 ёшли Ж.У Наманган вилояти, Учқўрғон туманида яшовчи 32 ёшли Н.О, 28 ёшли О.Н. ва Самарқанд вилояти, Нарпай туманида яшовчи 26 ёшли М.Р.га хорижда «даромадли иш» топиб беришни ваъда қилиб, уларни Қозоғистон ҳудудига олиб ўтиб кетаётган вақтида тўхтатиб қолинди.
Уч нафар аёл ҳам Ўзбекистонга қайтарилди.
Ж.У.га нисбатан Жиноят кодексининг одам савдоси билан боғлиқ моддаларига мувофиқ жиноят иши қўзғатилди. Тергов ҳаракатлари олиб борилмоқда.