Мажбурий ижро бюросининг Шайхонтоҳур туман бўлими Тошкентдаги «Чорсу» номи билан танилган бозорни бошқарувчи «Эски Жува деҳқон бозори» компаниянинг пул маблағларини хатлади. Бу ҳақда Ягона корпоратив ахборот портали маълумотларига асосланиб, Spot хабар бермоқда.
Хабар беришларича, МИБ 17 октябрь куни 11,8 миллиард сўм миқдоридаги пул маблағларини хатлаган.
«Эски Жува деҳқон бозори» компанияси 1996 йилда ташкил этилган. Компания сайтидаги маълумотларга кўра, унинг асосий акциядорлари Тошкент шаҳар ҳокимлиги (78,4 фоиз) ҳамда бошқа юридик ва жисмоний шахслардир (21,5 фоиз).
Компания 2017 йил якунларига кўра 117 миллион сўм миқдорида соф фойда олган.
Изоҳ (0)