Фарғона вилоятининг Ўзбекистон туманида Хитойнинг Beijing Triumph International Engineering ширкати қиймати 153 миллион АҚШ долларига тенг янги цемент заводи қурмоқда. Бу ҳақда тумани ҳокими ўринбосари Муроджон Мансуров маълум қилди, дея хабар берди «Turon 24».
— Мажмуа тумандаги Шўрсув қишлоғида қурилмоқда, — деди Муроджон Мансуров. — Сабаби, бу ерда оҳактош ва гил кўп. Лойиҳа «Қўқон евро қурилиш материали» қўшма корхонаси билан ҳамкорликда амалга оширилади.
Жорий йилнинг 21 октябрида бошланган қурилиш ишлари 2020 йилнинг январь ойига қадар давом этади. Корхона тўла қувват билан ишлай бошласа, йилига 1 миллион тонна цемент ва 33 миллион квадрат метр гипсокартон ишлаб чиқарилади. Мингдан зиёд аҳоли доимий иш билан таъминланади.
Мажмуада ишлаб чиқариладиган маҳсулотларни экспортга йўналтириш режалаштирилган.
Изоҳ (0)