Латвияда 1873 йилдан бери ҳар уч—беш йилда бир марта Қўшиқ ва рақс байрами (Vispārējie latviešu Dziesmu un Deju svētki) ўтказилади. Унда Латвия ва узоқ-яқин бошқа мамлакатлардан келган хорлар, рақс жамоалари, духовой оркестрлар, фолклор гуруҳлари, этнографик ансамбллар, ҳаваскорлик театрлари қатнашади. Қайд этиш жоиз, Латвиянинг ён ва жон қўшнилари ҳисобланган Литва ва Эстония ҳам ўзининг Қўшиқ ва рақс байрамларига эга бўлиб, уларнинг бари биргаликда 2008 йили ЮNESКОнинг маданий мерос рўйхатига киритилган.
Латвия Республикаси ташкил этилганига 100 йил тўлган 2018 йилда ўтказилган навбатдаги Қўшиқ ва рақс байрамида АҚШ, Норвегия, Австралия, Канада, Бразилия, Украина, Буюк Британия, Ирландия, Германия, Бельгия, Финляндия, Швеция, Швейцария, Эстония, Голландия, Италия, Люксембург, Дания, Австрия, Франция, Россия каби мамлакатлардан 43 минг иштирокчи қатнашди. Етти кун давомида этган ушбу миллий фестивални ярим миллиондан ортиқ томошабин томоша қилди.
2018 йилги байрамда ўзбекистонлик санъатшунос ва фотосуратчи Ҳусниддин Ато ҳам бевосита иштирок этиб, фестивалнинг ўзига хос манзараларини фотосуратларга муҳрлади.
Изоҳ (0)