Тошкентда илк меҳмон уйи очилди. Бу ҳақда шаҳар ҳокимлиги матбуот хизмати маълум қилди.
Мазкур муассаса Яккасарой тумани, Воҳидов кўчаси, 60-уйда жойлашган. Унинг эгаларига буни тасдиқловчи тегишли ҳужжат топширилди.
Маълумот учун, жорий йил 25 сентябрь ҳолатига мамлакатда 23 та оилавий меҳмон уйи рўйхатга олинган бўлиб, улар асосан Бухоро, Самарқанд, Хоразм ва Қашқадарё вилоятларида фаолият кўрсатмоқда.
Ушбу меҳмон уйларида уй эгасининг оила аъзолари билан бирга яшаш тамойили бўйича бир вақтнинг ўзида 10 нафаргача ташриф буюрувчига (туристларга) вақтинча яшаш ва (ёки) овқатланиш бўйича хизматлар кўрсатувчи, шунингдек, ҳар бир яшовчига 3 квадрат метр ҳисобидан тўғри келадиган зарурий турар-жой майдонига эга бўлган хусусий уй-жой ҳисоблананиши белгиланган.
Изоҳ (0)