Доктор И.П.Парк истеъмолчилар кундалик ҳаётига сунъий интеллектнинг устувор жиҳатларини киритишдаги янги ёндашувлар ҳақида сўзлади.
LG Electronics (LG) президенти ва техник директори И.П.Парк CES 2019 кўргазмаси очилишида нутқ сўзлади. Доктор Паркнинг навбатдаги чиқиши 2019 йилнинг 7 январь куни маҳаллий вақт билан соат 18:30 да АҚШнинг Невада штати Лас-Вегас шаҳридаги MGM Park Theater’да бўлиб ўтади.
CES очилишида LG вакилларининг биринчи чиқишида доктор Парк «Сунъий интеллект энг яхши ҳаёт учун» концепциясини тақдим этади ва сунъий интеллект қандай қилиб истеъмолчилар ҳаётини ўзгартиришига янгича қарашни намоён қилади, бунда у асосий уч тамойилга асосланади: Ривожланиш, Бириктириш ва Очиқлик. У инновацион сунъий интеллект қандай қилиб уйда, йўлда ва офисда фойдаланувчи тажрибасини бойитиши ҳақида сўзлаб беради. Сунъий интеллект ҳаётнинг барча жабҳаларига таъсир қилишини тасаввур қилган ҳолда доктор Парк шунингдек қандай қилиб LG товарлар ишлаб чиқарувчидан турмуш тарзини ўзгартирувчи инноватор-компанияга айланиш жараёнини бошдан кечираётиб, сунъий интеллектни ривожлантиришда биринчи бўлиб қолаётганига изоҳ беради.
LG Electronics президенти ва техник директори, доктор Парк инновацион сунъий интеллектни компания ўсишининг асосий манбаи сифатида ривожлантириш ташаббускори бўлди. Истеъмолчи электроника, автоматлаштирилган робототехника, телекоммуникациялар ва дастурий таъминотга оид ишланма ҳамда тадқиқотлар бўйича 30 йиллик тажрибага эга доктор Парк дунёнинг энг етакчи техник раҳбарларидан бири сифатидаги ютуқлари билан машҳур. У анъанавий қурилмавий йўналтирилган технологиялар ва экспоненциал дастурий йўналтирилган технологияларни билаштириш йўли билан инновациялар татбиқ этиш учун энг йирик R&D жамоалар билан ишлаган.
«CES 2019 кундалик маҳсулотлар ва сервисларга сунъий интеллектни татбиқ қилиш ва ривожлантиришда бурилиш нуқтаси бўлади, - дейди доктор Парк.
— Бизнинг LG’даги стратегиямиз ҳаёт услубига йўналтирилган сунъий интеллектли иловалар ҳисобига кутилаётганиданда ортиқ натижа кўрсатиш ва истеъмолчилар ҳаётини яхшилаш. Мен бу концепцияни CES саҳнасидан ривожлантиришни режалаштиряпман».
Истеъмолчилар Технологиялари Уюшмаси президенти ва ижрочи директори Гари Шапиро шундай дейди: «LG – бу барча йирик саноатларга (тиббиёт технологияларидан бошлаб то қишлоқ хўжалиги, муҳандислик ва бошқаларгача) таъсир кўрсатадиган сунъий интеллект инқилобидаги глобал кучга эга илғор станция. Биз CES 2019 саҳнасида доктор Паркни ва CES очилишида LG’нинг илк чиқишини интизорлик билан кутиб қоламиз. Унинг уйларимиз, бизнесимиз ва ҳамжамиятимизни қайта белгилаб берувчи бўлажак сунъий интеллектга доир қарашлари ҳақида маълумот олиш имконини сабрсизлик билан кутяпмиз».
CES 2019 кўргазмасида бизнинг ҳаётимизни ўзгартирувчи технологиялар намойиш этилади, 20 маҳсулот тоифасида 4500 нафар иштирокчи қатнашади, қандай яшаётганимиз, ишлаётганимиз ва ўйнаётганимизга доир қарорлар ҳам шулар жумласидандир. Шоу 5G уланиш, сунъий интеллект, тўлдирилган ва вирутал реаллик, ақлли уй, ақлли шаҳар, машина интеллекти ва бошқа энг янги технологияларга кириш имконини тақдим этади.
LG‘нинг илғор маҳсулотлари ва сервислари 2019 йилнинг 8-11 январида Las Vegas Convention Center (LVCC)да жойлашган CES Tech East’да CES 2019 кўргазмасида намойиш этилади, марказий холл, 11100-стенд.
Реклама ҳуқуқи асосида
Изоҳ (0)