Ўзбекистонда энг кам иш ҳақи миқдори 10 фоизга ошиши ортидан суперконтрактлар нархи ҳам кўтариладими? Хушнуд Худойбердиев кўпчиликни қизиқтирган ушбу саволга изоҳ қолдирган.
Худойбердиевга кўра, супер-контрактлар нархи ошмайди, яъни келгуси семестрда яна қўшимча тўлов қилиш шарт бўлмайди.
Бунга Олий ва ўрта махсус таълим вазирлигининг «Олий ва ўрта махсус, касб-ҳунар таълими муассасаларида ўқитишнинг тўлов-контракт шакли ва ундан тушган маблағларни тақсимлаш тартиби тўғрисидаги низом»и асос бўлиб хизмат қилади. Низомнинг 18-бандида «Иш ҳақи ва стипендиялар миқдорларининг, энергия ресурслари, коммунал ва эксплуатация хизматларининг нархлари ва тарифлари ўзгариши муносабати билан контракт асосида ўқитишнинг тўлов миқдори (оширилган тўлов-контракт миқдори бундан мустасно) ўқув йили давомида қайта кўриб чиқилиши мумкин» эканлиги белгиланган.
Маълумот учун, супер-контракт фақат 1-курс учун тўланади. 2-курсдан бошлаб барча учун белгиланган оддий контракт нархини (ЭКИҲнинг 45 баробаридан 60 баробаригача) тўлаш бошланади.
Изоҳ (0)