Microsoft асосчиларидан бири Пол Аллен 65 ёшида вафот этди. Бу ҳақда «Эхо Москви» хабар бермоқда.
Саратон хасталигининг зўрайиши ўлимга сабаб бўлгани билдирилмоқда.
1970 йилларда Аллен Билл Гейтс билан биргаликда кейинчалик IT-индустрия гигантига айланган компанияга асос солди. Айнан у мактабдош дўстини Гарварддаги ўқишни ташлаш ва Microsoft билан боғлиқ ишларга диққатини жалб этишга кўндирганди.
1983 йилда Аллен Гейтс билан тортишувлардан сўнг компаниядан кетди, бироқ акцияларнинг бир қисми ва директорлар кенгашидаги ўрнини сақлаб қолди.
Жорий йилда Forbes уни миллиардерлар рўйхатида 44-ўринда қайд этган ва Алленнинг мол-мулкини 20,5 миллиард доллар баҳолаган эди.
Изоҳ (0)