Бэнксининг картинаси аукционда йиртилди: Харидор уни шу ҳолда 1,3 млн долларга сотиб олди

Британиялик кўча рассоми Бэнксининг «Шар тутган қизалоқ» картинаси аукционда йиртилиб кетган эди, деб хабар беради «Лига Новости».

Картинага зарар етганига қарамай уни сотиб олиш истагини билдирган харидор келишувни бекор қилмайди. У анчадан бери Бэнксининг ишларини коллекция қилиб келади.

«Картинанинг йиртилиб кетганини кўриб, мен даставвал шок ҳолатига тушдим, кейинроқ аста-секин менга санъатнинг бир бўлаги тегишини англай бошладим», — дейди харидор.

Картинани сотиб олган аёл уни «Шар тутган қизалоқ»дан «Чиқинди қутисидаги муҳаббат» деб қайта номлаган.

Маълумот учун, Бэнксининг ушбу картинаси 6 октябрь куни Sotheby’s аукционида 1,3 миллион долларга сотилган эди.