UNICEF’нинг Ўзбекистондаги ваколатхонаси матбуот хизмати 11 октябрь—Халқаро қизлар кунига бағишлаб, уларнинг жамиятдаги ўрнини ошириш, ҳар томонлама қўллаб-қувватлашни тарғиб этувчи мақолалар, телевизион дастурларни тайёрлашга ҳомийлик қилди. Қуйида ана шундай мақолалардан бири эътиборингизга ҳавола этилади.
Ҳар бир бола ўзининг тўлиқ салоҳиятини амалга ошириш учун адолатли имкониятга эга бўлишга лойиқдир. Бироқ бутун дунё бўйлаб гендер тенгсизлиги буни рўёбга чиқариш учун қизлар олдида тўсиқлар яратади. Қизларнинг имкониятларини кенгайтириш ва уларнинг ҳуқуқларини амалга оширишга кўмаклашиш мақсадида бутун дунё ҳамжамияти 11 октябрни Халқаро Қизлар куни сифатида нишонлайди.
Келгуси ўн йил ичида 1 миллиард ёшлар, уларнинг орасида 600 миллион ўсмир қизлар, меҳнат бозорига кириб келади. Булар орасида ривожланаётган мамлакатларда истиқомат қиладиганларининг 90 фоизидан ортиғи норасмий секторда ишлай бошлайди – улар тартибга солинмаган ёки ҳимояланмаган иш жойларида, паст маошга ёки умуман бепул меҳнат қилишади.
Бундай иш жойларида меҳнатни суиистеъмол қилиш ва эксплуатация умумий ҳолат ҳисобланади. Энг қийин вазиятдаги қизлар, жумладан қишлоқ жойларда яшайдиган ва ногиронлиги бўлган қизлар учун муносиб иш билан таъминланиш имконияти янада кам бўлади.
Халқаро қизлар куни келгусида улар муносиб иш жойларига эга бўлишларини таъминлаш мақсадида, қизларнинг энг муҳим эҳтиёжлари ва имкониятларига эътибор қаратиш учун барчамизни бирлаштиради.
«Ўзига ишонч, муаммони ҳал қила билиш, жамоада ишлаш ва танқидий фикрлаш каби кўникмалар тез ўзгариб бораётган меҳнат дунёсида муваффақиятга эришишнинг асосий омили ҳисобланади, бироқ кўплаб мактаблар ‘XXI асрга оид кўникмаларъга, яъни фан, технология, муҳандислик ва математикага эътибор бермайди», — деди Саша Грауманн, UNICEF’нинг Ўзбекистондаги ваколатхонаси раҳбари.
«Қизларнинг келажакдаги ишчи кучида тўлиқ иштирок этиши касб ҳунар бўйича гендер стереотипларини бартараф этишни ва уларнинг муносиб ишга эга бўлишлари йўлида тизимдаги муаммоалрни ҳал қилишни талаб қилади», — деб қўшимча қилди Саша Грауманн.
UNICEF’нинг Ўзбекистондаги ваколатхонаси барча қизлар учун мавжуд таълим имкониятларини янада кенгайтириш ва янги йўлларни ишлаб чиқиш бўйича иш олиб бормоқда.
UNICEF қизларнинг меҳнат бозорида муносиб ўринга эга бўлиши учун тайёрлаш мақсадида Ҳукумат ва жамоалар билан бирга ишлайди ҳамда қизларнинг ишга жойлашиш учун зарур кўникмаларга эга бўлишга қаратилган эҳтиёжларига ва имкониятларга сармоя қилишни илгари суради.
Глобал кампания доирасида UNICEF’нинг Ўзбекистондаги ваколатхонаси таниқли шахслар ва жамоатчилик билан ушбу мавзуда бир қатор хабарлар, фильмлар ва телевизион дастурларни ишлаб чиқишда ҳамкорлик қилди.
«Қиз бола. У бахтли бўлиш учун туғилган» шиори доирасидаги хабарлар гендер билан боғлиқ стереотипларга барҳам бериш ҳамда ҳар бир қиз ўз салоҳиятини тўлиқ амалга ошириш ҳуқуқидан баҳраманд бўлишини таъминлаш учун шахслар, оилалар ва жамоаларни қўллаб-қувватлашга чақиради.
Изоҳ (0)