Ўзбекистон Қуролли Кучлари академияси профессор ўқитувчилари ва Германия қуролли кучлари мутахассислари иштирокида икки томонлама ўрнатилган ҳарбий ҳамкорлик доирасида машғулотлар ўтказилди. Бу ҳақда Мудофаа вазирлиги матбуот хизмати «Дарё»га маълум қилди.
Учрашувда германиялик ҳарбий мутахассис Клаус Хютгер «Критик инфратузилмалар» мавзусида маъруза қилди. Шунингдек, Ўзбекистон—Германия мудофаа вазирликлари тизимида олиб борилаётган янгича ёндашувлар ўзаро таққосланиб, атрофлича муҳокама қилинди.
Шу билан бирга, ўша куннинг ўзидаёқ Германия Бундесверининг Мюнхен университети профессор-ўқитувчилари ва талабаларининг ташрифи ҳам амалга оширилди. Унда «Бундесвернинг Мюнхен университетида офицерларнинг таълим олиш жараёни», «Аскарларни тайёрлаш доирасида Бундесвернинг психосоциал тармоғи» мавзуларида маърузалар тингланиб, ҳар икки давлат мудофаа вазирликлари тизимидаги ютуқ ва камчиликлар таҳлил қилинди.
Изоҳ (0)