Франциянинг Total EREN компанияси ва Ўзбекэнерго Самарқанд вилоятида фотоэлектростанция қуриш бўйича лойиҳани биргаликда амалга ошириш тўғрисида келишувга эришди. Бу ҳақда «Podrobno.uz» хабар бермоқда.
«Компаниямиз дунёнинг кўплаб нуқталарида, жумладан, қайта тикланувчи энергия манбалари йўналишида лойиҳаларни амалга оширади. Ўзбекистонлик шериклар билан қўшма лойиҳани амалга ошириш имконияти туғилаётганидан мамнунмиз. Қуёш энергетикасини ривожлантириш бўйича келишувимиз томонлар учун биринчиси, бироқ уни рўёбга чиқаришга тўлиқ тайёрмиз. Ўзбекистонда шамол ва қуёш энергетикасини ривожлантириш учун жуда катта салоҳият мавжуд», — деди компания ижрочи вице-президенти Фабиен Демол.
Маълумот учун, Ўзбекистон жорий йилда Самарқанд вилоятининг Пастдарғом туманида Хитой компанияси тендерда ғолиб чиққан қуввати 100 мегаваттли қуёш станцияси қурилишини тўхтатганди.
Изоҳ (0)