Исроил киберхавфсизлик миллий агентлиги WhatsApp фойдаланувчилари учун аккаунтларни бузиш бўйича янги технология ҳақида огоҳлантириш жўнатди. Бу ҳақда «РИА Новости» хабар берди.
Сўнгги вақтда мамлакатда профилларни мобил операторлар томонидан тақдим этиладиган овозли почта хизмати ёрдамида бузиш ҳолатлари кўп учрамоқда. Почта қутисига кириш учун тўртта белгидан иборат PIN-кодни териш зарур. Кўплаб фойдаланувчилар стандарт белгиларни танлайди, масалан, «0000» ёки «1234». Бундай паролни териш учун бузғунчидан алоҳида билим талаб қилинмайди.
Бузғунчи ўз телефонига WhatsApp’ни ўрнатади ва аниқ бир рақамга боғланган аккаунтга киришга уринади. Хизматга кириш бир марталик парол келадиган SMS хабар билан тасдиқланади. Агар турли сабабларга кўра бу амалга ошмаса (аккаунт эгаси телефонга қарамайди ва хабарни кўрмайди), текширишнинг яна бир усули ишга тушади — код овозли хабарда келади. Дастур кодни рақам уланган почтага жўнатади. Паролни терган ҳолда бузғунчи кодни билади, уни WhatsApp’га киритади ва аккаунтни бузади.
Шундан кейин аккаунтнинг янги хўжайини икки даражали аутентификацияни ёқиши мумкин ва бундан сўнг профил устидан назоратни қайтариб олишнинг деярли имкони қолмайди.
Изоҳ (0)