«Ўзтрансгаз» ва «Ўзбекэнерго» акциядорлик жамиятлари айни пайтда иқтисодиёт ва молия вазирлиги билан биргаликда аҳолига етказиб берилаётган газ ва электр нархини неча фоизга ошириш мумкинлиги масаласини муҳокама қилмоқда. Бу ҳақда бугун, 3 октябрь куни бўлиб ўтган Халқаро пресс клуб сессиясида маълум қилинди, деб хабар берди «Дарё» мухбири Севара Нишонова.
Қайд этилишича, газ ва электр энергияси етказиб берувчи компаниялар аҳолининг турли ижтимоий шароитдаги қатламлари учун алоҳида-алоҳида ижтимоий меъёрни ҳам ишлаб чиқишни режалаштирмоқда.
«Ҳозирда ушбу масалалар Иқтисодиёт вазирлиги, Молия вазирлиги билан бирга муҳокама қилинмоқда. Бироқ электр токининг қачон ва неча фоизга ошиши ҳозирча номаълум», — дейди «Ўзбекэнерго» АЖ вакили.
Газ бўйича ҳам худди шундай муҳокама олиб борилмоқда. Бутун дунёда энергетика ресурслари ўзаро таққосланади. Бунинг сабаби тизимда таққослаш ишларини олиб бормасак, оқим ўзгариб қолиши мумкин. Агар биз ҳозир газнинг нархини ўзгартирмасак, энергетика ёки бошқа соҳада инқирозга учрашимиз мумкин. Нима учун биз энергетикани тежашимиз керак? Тежаш ниманинг ҳисобидан бўлади? Кам таъминланган оила ёки кам талаб қиладиган одамга имтиёзлар берилиши керак. Кўп оладиган одамга бошқа тариф бўлиши керак, оддий истеъмолчига бошқа тариф бўлиши керак. Ана унда тежамкорлик бўлади.«Ўзбекнефтгаз» АЖ бошқарув раиси ўринбосари Одил Темировнинг айтишича, аҳолига етказиб берилаётган газ нархи аҳолига 289 сўмдан 320 сўм атрофида оширилиши, иқтисодиёт тармоқлари тизимидаги «Ўзбекнерго», «Ўзкимёсаноат» корхоналарига 600 сўм миқдорида етказиб бериш масаласи кўриб чиқилмоқда.Шарифжон Турсунов, «Ўзтрансгаз» АЖ бошқарув раиси
Маълумот учун, Ўзбекистонда табиий газ ва электр энергияси нархи сўнгги марта 2018 йилнинг 1 апрелидан оширилган эди.
Ўшанда 10 метр куб табиий газ нархи 10 фоизга оширилиб, ҳисоблагич бўлганда 2897,4 сўм этиб белгиланган, 1 киловатт/соат электр энергияси нархи эса 11,89 фоизга ошиб 228,6 сўмни ташкил этган эди.
Изоҳ (0)