25 сентябрь куни Андижон вилоят ИИБ жиноят-қидирув бошқармаси коррупция ва иқтисодий жиноятларга қарши курашиш бўлими, Давлат хавфсизлик хизмати ҳамда департаментнинг вилоят бошқармаси ҳамкорлигида тезкор тадбир ўтказилди.
Тадбир давомида бир гуруҳ фуқаролар ўзаро тил бириктириб, йирик миқдордаги пул маблағларини нақдлаштириш ҳамда миллий валютани АҚШ долларига ноқонуний равишда алмаштириш вақтида қўлга олинди.
Аниқланишича, Куйганёр шаҳридаги банк ходимлари билан ишлаш бўлими бошлиғи А. Д. ва Андижон туманида жойлашган «Сарбон петрол люкс» МЧЖ директори Т. А. фуқаро О.Ж. га тегишли пластик картадан 112 миллион сўмни 3 фоиз устама эвазига ечиб олиб, ҳар бир долларни 8300 сўм қийматида (жами 10 минг 610 доллар) алмаштиришга уринган. Нақдлаштириш Т.А.нинг ўғли С.Б. номига расмийлаштирилган савдо терминали орқали амалга оширилган. Тезкор гуруҳ ходимлари томонидан ушбу фуқаролар воқеа жойида қўлга олинди.
Мазкур ҳолат юзасидан Ўзбекистон Республикаси Жиноят кодексининг 177-моддаси 2-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)