«Ўзбеккино» буюртмаси асосида суратга олинган, режиссёр Жаҳонгир Аҳмедовнинг «Исломхўжа» деб номланган тарихий, бадиий-публисистик фильмнинг вилоятларимиз бўйлаб премьералари давом этмоқда.
Бу ҳақда фильм режиссёри Жаҳонгир Аҳмедов журналист Феруз Муҳаммадга маълум қилди.
Фильмнинг навбатдаги премьераси 17 сентябрь куни Хива шаҳрининг Ичан қалъа музей қўриқхонасида жойлашган «Кўҳна арк» майдонида бўлиб ўтди.
Режиссёр Жаҳонгир Аҳмедовнинг маълумотларига қараганда, «Исломхўжа» фильмининг премьераси 18 сентябрь куни Қорақалпоғистон Республикаси Тўрткўл туманида ва Нукус шаҳарларида ўтказилиши режалаштирилган.
Маълумот учун, «Исломхўжа» фильмининг кенг жамоатчилик учун мўлжалланган катта тақдимоти 27 август куни Алишер Навоий номли кино саройида бўлиб ўтган эди.
Изоҳ (0)