Фаластинни озод этиш ташкилоти (ФОҚТ)нинг АҚШдаги миссияси раҳбари Ҳусам Зомлот Вашингтон унинг оиласи аъзоларидан мамлакатни тарк этишни талаб қилганини ва уларнинг визаларини бекор қилганини айтди, деб ёзади «Коммерсантъ».
«Америка ҳукумати менинг оилам — рафиқам ва болаларимнинг банк ҳисобварақларини ёпиб, улар учун резидентлик визаларини бекор қилди, шунингдек, улардан АҚШни зудлик билан тарк этишни талаб қилди. Бу уларнинг истиқомат гувоҳномаси 2022 йилгача амал қилишига қарамай амалга оширилди», — деди Зомлот.
Эслатиб ўтамиз, 10 сентябрь куни АҚШ Вашингтондаги ФОҚТ ваколатхонасини ёпишга қарор қилди, бунга ФОҚТ раҳбарияти «АҚШ маъмуриятининг фаластинликлар ва исроилликлар ўртасида тинчлик ўрнатишга қаратилган ташаббусларини қўллаб-қувватламагани» сабаб қилиб келтирилди.
Кейинроқ ФОҚТ АҚШ билан ҳамкорликни тўлиқ тўхтатиш ҳақида ўйлаётгани хабар берилди.
Изоҳ (0)