Грецияда Закинф оролидаги машҳур Навайо пляжига қоя қулаб тушди, оқибатда етти киши жароҳат олган. Бу ҳақда «Корреспондент.net» хабар берди.
Таъкидланишича, кичкина Навайо пляжи Ион оролларининг диққатга сазовор жойи ҳисобланади. У тик қоялар билан ўралган ва унга фақат қайиқда бориш мумкин.
Ҳодиса акс этган видеода қоянинг денгизга қулаётгани ва дам олувчиларнинг қочаётгани кўринади. Қоя қулаши жараёнида бир нечта қайиқ ағдарилган.
#navagio #navagiobeach collapse pic.twitter.com/0yO1UANya7
— d3scr1pt0r (@d3scr1pt0r) September 13, 2018
Одамларнинг жиддий жароҳатланмагани хабар берилган. Уларнинг аксарияти, шу жумладан, икки нафар болага воқеа жойида ёрдам кўрсатилган. Фақат орқасидан жароҳат олган чехиялик сайёҳ касалхонага ётқизилган.
Изоҳ (0)