Фарғона вилоятининг Сўх тумани «Навобод» маҳалла фуқаролар йиғини ўқувчилари янги ўқув йилини мукаммал таъмирланиб, янги қиёфа касб этган мактабда бошлади. Бу ҳақда «Дарё» мухбири Азизжон Эрматов хабар бермоқда.
Ушбу 26-умумтаълим мактабида 1,9 миллиард сўмлик қурилиш-таъмирлаш ишлари амалга оширилди. Қўшимча ўқув биноси фойдаланишга топширилди. Замонавий спорт зали, стадион бунёд этилди. Ўқув ва лаборатория хоналари, компьютер синфи давлат таълим стандартлари асосида тегишли жиҳозлар билан таъминланиб, ўқувчиларнинг фанларни пухта ўзлаштириши учун зарур шароит яратилди.
Сўх туманининг «Қизилқиёқ» маҳалла фуқаролар йиғинидаги 12-мактабнинг янги қурилган биноси ҳам фойдаланишга топширилди. Мазкур мактабда 1 миллиард 700 миллион сўмлик қурилиш ва таъмирлаш ишлари олиб борилди.
Ҳар икки таълим муассасаси ота-оналар, жамоатчилик вакиллари иштирокида тантанали суратда очилди. Маросимда иштирок этган туман ҳокими Ф. Ўсаров таълим соҳасидаги ислоҳотлар хусусида тўхталди.
142 нафар биринчи синф ўқувчиларига барча ўқув қуролларидан иборат «Президент совғаси» топширилди.
Изоҳ (0)