Ўзбекистонда спорт жиҳозлари ва инвентарларини харид қилишда шаффоф тизим яратиш, маҳаллий ишлаб чиқарувчиларни қўллаб-қувватлаш, улар орасидан энг илғор ва сифат кўрсаткичи юқори бўлганларини ўрганиш мақсадида Тошкентдаги Taэквондо WTF ассоциацияси залида 7 сентябрь куни кўргазма ташкил этилмоқда. Бу ҳақда Жисмоний тарбия ва спорт вазирлиги матбуот хизмати хабар берди.
Жорий йилда Жисмоний тарбия ва спортни ривожлантириш жамғармаси маблағлари ҳисобидан республикадаги спорт иншоотлари учун 90 турдаги 30 миллиард сўмлик спорт жиҳозлари ва инвентарларини харид қилиш режалаштирилмоқда. Уларнинг барчаси маҳаллий ишлаб чиқарувчи корхоналардан сотиб олиниб, ғолибларни аниқлашда шаффоф ва адолатли тизим йўлга қўйилади.
Мазкур кўргазмада маҳаллий ишлаб чиқарувчилар, спорт соҳаси вакиллари ва барча қизиқиш билдирганлар иштирок этиши мумкин.
Изоҳ (0)