Ҳар 50-йўловчи парвоз вақтида севиб қолади

Буюк Британиянинг HSBC банки томонидан ўтказилган тадқиқот самолётнинг ҳар 50-йўловчиси ўз севгисини парвоз вақтида бортда учратганини кўрсатган. Бу ҳақда «Корреспондент.net» хабар берди.

Бунда маълум бўлишича, еттита йўловчидан биттаси бортда энг яхши дўстини учратади.

Барча йўловчиларнинг фақат ярми самолётда ўз қўшниси билан мулоқотга киришади.

Йўловчиларнинг 48 фоизи агар қўшниси оёқ кийимини ечса, даҳшатга тушади, 65 фоизи эса борт кузатувчиси билан қўпол муносабат ёки спиртли ичимликни меъёридан ортиқча ичиш сабабли шундай ҳолатни ҳис қилади.