LG ТВ кўп тилларда ишлаши ва «ақлли» уйга улана олиши туфайли бошқа телевизорлардан устувор жиҳатларга эга
2018 йилнинг тўртинчи чорагида янада кўпроқ LG Electronics (LG) телевизорлари фойдаланувчилари ўзларининг AI ThinQ сунъий интеллектли телевизорларида Google Assistant’ни қўллашлари мумкин. LG беш тилли дастурни қўллаб-қувватловчи Google Assistant’ни яна етти янги бозорда намойиш этади, булар – Австралия, Канада, Франция, Германия, Жанубий Корея, Испания ва Буюк Британия. Мазкур бозорни кенгайтириш LG’нинг LG ThinQ платформаси ва Google Assistant ёрдамчиси томонидан қўллаб-қувватланувчи овоздан таний олишга доир қарорларини ривожлантириш бўйича глобал стратегиясига киради. Компания CES 2018 кўргазмасида биринчи марта LG телевизорларига Google Assistant ўрнатилиши ҳақида эълон қилган эди, сервис шу йилнинг иккинчи чорагида АҚШда старт олди.
Янги бозорларда Google Assistant сервиси WebOS базасидаги сунъий интеллектли барча LG телевизорларида бўлади ва кенг функциялар спектри ҳамда бир неча тилли хизматларини таклиф қилади. Google Assistant шарофати билан 2018 йилнинг ThinQ сунъий интеллекти билан таъминланган LG телевизорлари фойдаланувчиларга кундалик вазифаларни бажариш, саволларга жавоб бериш ёки «ақлли» уй қурилмаларини бошқариш имконини беради ва оптимал хизматлар кўрсатади. Шунчаки микрофон тугмасини босинг ва истаган маълумотни сўранг, масалан, об-ҳаво, яқин орадаги рестораннинг иш вақти, спорт жамоаси ўйинидаги ҳисобни сўраб кўринг ёки ТВ кўришдан узилмай туриб, хонадаги чироқни ўчиринг. Фойдаланувчилар шунингдек Google Photo’да ўзларининг севимли суратларини кўздан кечириб, ҳаётларининг энг ёрқин лаҳзаларини қайтадан ҳис қилиш имконига эга бўлишади.
Сунъий интеллектли LG телевизорлари Google Assistant ёрдамида «ақлли» уйнинг марказига айланиши мумкин, улар робот-чангютгич, термостат, ҳаво тозаловчи ва интеллектуал ёритувчи каби кўплаб қурилмаларни бошқаришни таклиф этади. Google Assistant Wi-Fi ёки Bluetooth орқали юзлаб машҳур брендларнинг 5000 дан ортиқ «ақлли» қурилмалари билан ишлай олади, бу эса «ақлли» уй қурилмаларини бошқаришни соддалаштиради. АҚШ, Буюк Британия, Австралия ва Канада каби инглиззабон бозорлар фойдаланувчилари ҳозирнинг ўзиданоқ Google Home қурилмаларини сунъий интеллектли LG телевизорларига улаши ва овозли буйруқ бериши мумкин. 2018 йилнинг охирига бориб Франция, Германия, Япония ва Жанубий Кореядаги фойдаланувчилар ушбу функцияни қўллаш имконига эга бўлишади. Amazon Alexa қурилмаси билан таъминланган телевизорлар бугунги кунда Буюк Британия ва АҚШда мавжуд, келгусида Австралия ва Канадада ҳам улардан фойдаланиш мумкин бўлади.
Сунъий интеллектли LG телевизорлари Google Assistant’дан ташқари томошабинларга оғзаки сўров орқали бундай телевизорларни ташқи қурилмаларга тез ва оддий улаш ёки бирор маълумот излаш учун табиий тилдан фойдаланиш имконини берувчи эксклюзив таълим технологиясини қўллайди. Телевизион каналларни ёқиб-ўчириш, овозини баландлатиш ёки пасайтириш, кўрсатув тугаши билан телевизорни ўчириш, севимли дастур бошлангани ҳақида ёдга солиш ёки томоша қилиш учун энг яхши контентни излаш – у хоҳ кабел телевидениеси бўлсин, хоҳ Wi-Fi ёки мультимедиа орқали уланиш – бу ThinQ’нинг томошабинларга кундалик ТВ кўришдан завқ олишга ёрдам беришига бир неча мисолдир.
«LG очиқ платформа, очиқ ҳамкорлик ва шаффоф хатти-ҳаракатларнинг ноёб фалсафасига асосланиб, сунъий интеллект соҳасидаги асосий ўйинчи бўлишни мақсад қилган, - деди LG Home Entertainment Company президенти Брайан Квон. – LG премиум телевизорлари томонидан таъминланувчи мисли кўрилмаган тасвир сифатидан ташқари Google Assistant истеъмолчиларга янги даражадаги «ақлли» қурилмаларни таклиф қилади, бу бизнинг илғор технологиялар ёрдамида ҳаётни янада қулай қилишга доир миссиямизга мувофиқ келади».
Берлиндаги IFA 2018 кўргазмаси 18-залидаги LG стенди меҳмонлари сентябрь ойи бошида OLED-технологиялар намойиши вақтида Google Assistant уланган LG ThinQ сунъий интеллекти билан таъминланган телевизорларни яқиндан кўришлари мумкин.
Реклама ҳуқуқи асосида
Изоҳ (0)