Ўзбекистон ва Франция Тошкентда француз ўқув юртларидан бирини очиш масаласини кўриб чиқади. Бу ҳақда Бош вазир ўринбосари Азиз Абдуҳакимовнинг Париж академияси ректори, Ил-де-Франс академик минтақаси вазири Жил Пеко билан музокаралари давомида маълум бўлди, дея хабар беради «Podrobno.uz».
Музокаралар якуни бўйича томонлар Ўзбекистон ва Франция олий ўқув юртлари ректорлари саммитини ўтказиш, Тошкентда Франция университетларидан бирининг филиалини очиш, қўшма факультетлар ва кафедралар таъсис этиш, ўқитувчилар ва талабалар алмашиш хусусида келишувга эришди.
Мазкур келишувларни амалга ошириш мақсадида Олий ва ўрта махсус таълим вазирлиги ҳамда Париж академияси ўртасида 2019—2021 йилларга мўлжалланган ҳамкорлик дастури имзоланади.
Изоҳ (0)