11 август кунги тест синовларида 12 та олий таълим муассасасининг 51 та таълим йўналишида 24 минг 259 нафар абитуриент иштирок этди. Бу ҳақда Бош вазир ўринбосари Азиз Абдуҳакимов маълум қилди.
Турли сабабларга кўра 670 нафар абитуриент имтиҳонларга келмади.
Тест синовлари тартиб қоидаларини бузганлиги сабабли 58 нафар абитуриент, шундан 33 нафари уяли телефон, шпаргалкалар олиб кириш ва ўзгани ўрнига кириш, 25 нафари бино ичида шпаргалкадан фойдаланиш ва бошқа абитуриентларга ёрдам беришга уринганлиги учун тест синовларидан четлаштирилди.
Имтиҳон натижаларини Давлат тест марказига қайтариш соат 18:30 дан бошланди. Сўнгги материаллар Фарғона водийсидан 2:00 да етиб келди.
11-кунги август тест натижалари 12 август куннинг иккинчи ярмида Давлат тест маркази сайтида эълон қилинади.
Изоҳ (0)