4 август, шанба куни Москвадаги «Добрининская» метро бекати яқинида ўткинчилар марказий осиёлик муҳожирлар иштирокидаги оммавий муштлашув гувоҳи бўлди, деб ёзади «Вести.ru».
Ижтимоий тармоқларга жойланган видеолардан бирининг муаллифи айтишича, жанжалда камида 40 киши қатнашган, уларнинг катта қисми таксичилар бўлган.
«Дастлаб суҳбатлашиб туришди, ҳатто кулишишди ҳам, кейин эса метро ёнидаги майдонда югуриб, бир-бирига зарбалар бера бошлади. Қанчалик тез тўпланишган бўлишса, шунчалик тез тарқалиб кетишди, баъзилари сариқ таксига ўтириб кетди, қолганлари ҳар томонга кетиб қолди», — деди у.
Гувоҳларнинг сўзларига кўра, камида икки киши жабрланган, улардан бири воқеа жойидан мустақил туриб кета олмаган, унга ҳамроҳлари ёрдам берган.
Гувоҳлар тартибсизликлар олдини олиши мумкин бўлган полиция ходимлари воқеага аралашмаганини айтди.
Изоҳ (0)