Тавсия этилмаган фильмлар намойишидан сўнг фаолияти тўхтатилган STV телеканали эфирни тиклаш юзасидан мурожаат қилмади. Бу ҳақда АКТ вазирлиги ҳузуридаги Алоқа, ахборотлаштириш ва телекоммуникация технологиялари соҳасида назорат бўйича инспекция маълум қилди.
«Master media production and broadcast компанияси томонидан асос солинган STV телеканали трансляцияси Муассасалараро комиссия қарори асосида номуайян муддатга тўхтатилган. Унинг ишини тиклаш юзасидан ҳозирча мурожаат келиб тушмади», — дейилади инспекция хабарида.
Телеканал раҳбарияти вазиятга изоҳ бермади, фақат чиндан ҳам қонун бузилгани ва эфирнинг тўхтатилгани тўғри бўлганини тан олди. Трансляцияни тиклаш муддатлари ҳақида аниқ маълумот берилмади.
Изоҳ (0)