АҚШ ҳукумати Хитойдан келадиган 200 миллиард долларлик хизматлар ва товарлар импортига 25 фоизлик бож жорий қилмоқчи. Бу ҳақда АҚШ савдо вакили Роберт Лайтхайзер берган маълумотга таяниб, «Газета.ru» хабар бермоқда.
«Президент 18 июнь куни 10 фоизлик солиққа тортиш учун 200 миллиард долларлик товарлар рўйхатини тузишни топширди. Бу ҳафтада эса президент божларни 10 фоиздан 25 фоизга кўтариш масаласини кўриб чиқишни айтди», — дейди Лайтхайзер.
АҚШ ҳукуматидаги мансабдорлардан бирининг журналистларга маълум қилишича, қарорни муҳокама қилиш жараёни бошланган. У: «Қарор бўйича эшитув ўтказиш шу ойдан кечикмайди. Ҳозирда президент Дональд Трамп савдо вакилига божларни 10 фоиздан 25 фоизга кўтаришни топширган», — дея маълум қилган.
Изоҳ (0)