«Ювентус»нинг янги аъзоси Криштиану Роналду таътилдан қайтиб, жамоаси машғулотларига қўшилди. Бу ҳақда клуб матбуот хизмати маълум қилди.
Футболчини клуб базаси атрофида 200 дан ортиқ мухлислар кутиб олди.
«Ювентус» айни дамда АҚШда Халқаро чемпионлар кубогида иштирок этмоқда. Клубнинг Италиядаги базасида эса терма жамоаси билан Жаҳон Чемпионати плей-оффида иштирок этган 6 нафар футболчи йиғилди. Булар: Родриго Бентанкур, Пауло Дибала, Хуан Куадрадо, Дуглас Коста, Гонсало Игуаин ва Криштиану Роналду.
Футболчилар бир нечта тиббий тестлардан ўтди. «Ювентус» Аллегри бошчилигида АҚШда бўлиб турган вақтда Роналду ва унинг шериклари бош мураббий ёрдамчиси Алдо Долчетти қўл остида шуғулланади.
Изоҳ (0)