Қорақалпоғистондаги 6 та олий таълим муассасасига салкам 40 минг абитуриент ҳужжат топширди. Бу ҳақда Давлат тест марказининг республикадаги вакили Музаффар Абдуллаев «Қорақалпоғистон» телеканалининг «Ҳафталик» ахборот дастурига берган интервьюсида маълум қилди, дея хабар беради «Karinform.uz».
Бу йил Қорақалпоғистондаги тест синовлари икки манзилда: Олимпия ва миллий спорт турлари бўйича Нукус олий спорт маҳорат мактаби (4 бино, 28 гуруҳ, 840 ўрин) ва Нукус олимпия заҳиралари коллежида (2 бино, 28 гуруҳ, 840 ўрин) бўлиб ўтади.
Агар бир сменада шу икки манзилда 1680 абитуриент тест синовларида иштирок этса, икки сменада 3360 кишини қамраб олиш мумкин.
Бу эса тест жараёнини 1—12 август оралиғида якунлаш имкониятини беради.
Изоҳ (0)