Фотогалерея: Техасдаги ғаройиб иншоотлар

Архитекторлар ўзлари яратаётган иншоотларнинг ноодатий шакли билан бошқаларни ҳайратга солишни яхши кўради. АҚШнинг Техас штатида ҳам ана шундай иншоотларни учратиш мумкин. Forum Daily уларга эътибор қаратди.

Қулаётган минора

Устомонлик ва тадбиркорлик асосида қурилган минора катта йўлнинг четида жойлашган ва 1980 йилларда пайдо бўлган. Унинг муаллифи бўлган Ральф Бриттен катта йўлдан ўтаётган ҳайдовчиларнинг эътиборини гўёки қулаётган минорага тортиб, уларни тўхташга ва минорадаги «авария» ҳақида унинг эгасига хабар беришга мажбур қилган. Тўхтаган ҳайдовчи, албатта, Ральфнинг ошхонасига киради ва овқатланади ёки бошқа жойларга нисбатан арзонроқ нархда ёқилғи сотиб олади.

Бруко ва унинг «болалари»

Техас штатида Италия деб номланувчи шаҳар жойлашган бўлиб, у ерда фақат гумбаз шаклидаги уйлар қуриш билан шуғулланувчи Monolithic Dome Institute компанияси фаолият олиб боради. Компания ходимлари «думалоқ» уйларни ёқтиради ва уларнинг турли табиий офатларга чидамли қулай, умрбоқий ва энергия тежовчи уй эканлигига ишонтиради. 1990 йиллар бошида Техасда Бруко уйлари пайдо бўлган. «Bruco» италян тилида «шиллиқ қурт» деган маънони билдиради. Бруко уйлари компаниянинг ташриф қоғозига айланган. Бундай уйлар нафақат Техасда, балки дунёнинг бошқа минтақаларида ҳам қурилган.

Ковбой уйи

Рассом ва архитектор Ден Филлип томонидан лойиҳалаштирилган 10,5 метрли «Уй — ковбой этиги» Ханцвилл шаҳрида 2017 йилнинг январь ойида пайдо бўлган.

Филлип этикнинг жуфтини қуриш ўрнига, унинг ёнида ковбой шляпаси шаклида уй қурган.