Ўзбекистон Давлат хавфсизлик хизмати мамлакат ОТМларига ноқонуний ўқишга киришни ташкил қилиш билан шуғулланган бир нечта жиноий гуруҳларни фош қилди. Бу ҳақда «Ўзбекистон 24» телеканали сюжетида айтилади.
Хусусан, бундай гуруҳлардан бири Тошкент давлат молия институтининг етти нафар талабасидан иборат бўлган. Ташкилотчи улар учун ўқишга киришда зарур бўладиган қалбаки ҳужжатларни тайёрлаб берган. Улар абитуриентларнинг ўрнига имтиҳонга кириб, улар учун тестларни ишлаб бериши керак бўлган. Уларга ҳар бир абитуриент учун 2 минг доллардан ваъда қилинган.
Бундан ташқари, Тошкент давлат техника университетига ўқишга киритиб қўйиш учун 7 минг доллар пора олган шахс ҳам қўлга тушди. У ўз шериги билан бирга ҳақиқий абитуриентнинг ўрнига имтиҳон топшириши керак бўлган Тошкент давлат молия институти талабасини ёллаган.
Шу ва бошқа жиноий гуруҳлар ҳақида батафсил репортажда ҳикоя қилинади.
Изоҳ (0)