Аввал хабар берилганидек, жорий йилнинг 18 августидан 2 сентябрига қадар Индонезияда ёзги Осиё ўйинлари бўлиб ўтади.
Осиё ўйинларининг футбол бўйича мусобақаларида Равшан Ҳайдаров бошчилигидаги Ўзбекистон Олимпия терма жамоаси ҳам қатнашади.
Шу йилнинг 5 июль куни Осиё ўйинларининг футбол мусобақасига қуръа ташланганди. Унга кўра Ўзбекистон терма жамоаси Таиланд, Бангладеш ва Қатар терма жамоалари билан биргаликда «B» гуруҳидан ўрин олганди.
Мусобақага БАА ва Фаластин терма жамоалари қўшилиши муносабати билан қуръа натижалари ўзгарди. Аммо бу ўзгариш Ўзбекистон терма жамоаси ўрин олган «B» гуруҳига таъсир қилмади.
БАА терма жамоаси Жанубий Корея, Қирғизистон, Малайзия ва Баҳрайн терма жамоалари жойлашган «E» гуруҳидар ўрин олди.
Фаластин эса Индонезия, Гонконг, Лаос ва Хитой Тайпейи билан биргаликда «А» гуруҳига жойлашди.
Изоҳ (0)