Сурхондарё вилояти Жарқўрғон туманидаги Ҳайитобод маҳалласи ҳудудидан ўтувчи М-41 автомобиль йўлининг 1572-километрида ҳаракат хавфсизлиги билан боғлиқ хунук ҳодиса содир бўлди, деб ёзади ЎзА.
«ВАЗ-2106» русумли давлат белгиси 75 Е 482 АА автомашинаси Қумқўрғон – Жарқўрғон йўналиши бўйича ҳаракатланиб, қарама-қарши томондан келаётган Matiz русумли давлат белгиси 75 S 094 JА автомашинаси ҳаракат йўналишига чиқиб кетди ва тўқнашди. Оқибатда Matiz ҳайдовчиси ва бир нафар йўловчи ҳамда «ВАЗ-2106» русумли автомашинада бўлган уч нафар йўловчи олган жароҳатлари сабабли туман тиббиёт бирлашмасида вафот этди. Бир йўловчи ва «ВАЗ-2106» русумли автомашина ҳайдовчиси тан жроҳати билан шифохонага ётқизилди.
Мазкур воқеа юзасидан Ўзбекистон Республикаси Жиноят кодексининг 266-моддаси, 3-қисми «а» банди («транспорт воситасини бошқарувчи шахс томонидан транспорт воситалари ҳаракати ва улардан фойдаланиш хавфсизлиги қоидаларини бузиш, одамлар ўлимига сабаб бўлса») билан жиноят иши қўзғатилди.
Изоҳ (0)