Тошкент шаҳар ИИББ Ёнғин хавфсизлиги бошқармаси томонидан пойтахтда жойлашган олий таълим муассасалари бакалавриатига ўқишга қабул қилиш бўйича тест синовлари бўлиб ўтадиган «Ўзэкспомарказ» мажмуасининг 1-павильонида ёнғин ўчириш амалий-тактик машғулоти ўтказилди, деб хабар беради Тошкент шаҳар ИИББ матбуот хизмати.
Машғулот доирасида ёнғин ёки бошқа фавқулодда ҳолатлар содир бўлганда ишчи хизматчиларнинг тўғри ҳаракатланиши, эвакуация талабларини қанчалик ўзлаштирганликлари синовдан ўтказилди. Бундан ташқари, масканда ёнғин хавфсизлигини таъминлашда муҳим саналган ёнғинни автоматик равишда сезиш ва овозли хабар бериш, шунингдек, тутунни ҳайдаб чиқариш қурилмалари синаб кўрилди. Захира чиқиш йўлларининг ҳолати, ёнғин вақтида йўналишни кўрсатувчи белгилар ва ёритиш тизими мавжудлиги, бирламчи ёнғин ўчириш воситаларининг созлиги ўрганилди.
Тадбир давомида маскан ишчи хизматчиларига содир бўлиши мумкин бўлган ёнғинларни бартараф этиш ва инсонларни тезда эвакуация қилишни ташкил этиш бўйича тушунчалар берилди.
Изоҳ (0)