Rolls-Royce учар таксилар бозорига чиқади

Буюк Британиянинг автомобиллар ва авиадвигателлар ишлаб чиқарувчи Rolls-Royce компанияси йўловчи ташиш учун янги учиш аппарати ишлаб чиқаради. Аппарат асосий рақобатчилар бўлган Airbus ва Uber’нинг ишланмаларидан фарқ қилади — улар вертикал ҳолатда учади ва қўна олади. Бу ҳақда «Корреспондент.net» хабар берди.

Концепция EVTOL (Electric Vertical Take Off and Landing) номини олган. Яратувчиларнинг сўзларига кўра, EVTOL’нинг қанотлари 90 даражага бурила олади. Аппарат дум қисмидаги паррак билан кўтарилаётган вақтда горизонтал учиш режимида қаршилик ва шовқинни камайтириш учун қанотлардаги парраклар ҳаракатланмайди.

Аппарат олтита электродвигателда ҳаракатланади, улар учун энергия 500 киловатт қувватли генераторда ишлаб чиқарилади. У эса М250 газ турбинали двигателга уланган.

Максимал учиш узоқлиги 800 километрни ташкил қилади. Таъкидланишича, EVTOL беш нафар йўловчи билан соатига 250 километр тезликда парвоз қила олади.

Ҳозирча Rolls-Royce учиш аппаратининг фақат 3D моделига эга.

Rolls-Royce EVTOL’ни 2020 йилнинг ўртасига бориб серияли ишлаб чиқаришни мўлжалламоқда. Бироқ йирик авикомпанияларнинг кўмагисиз бу жараён кўпроқ вақтни олиши мумкин.