Россиянинг сайёралараро станциялар яратиш соҳасидаги асосий компанияси «НПО Лавочкина»нинг мутахассислари астероидларда фойдали қазилмаларни қазиб олиш учун сайёралараро транспорт модулига қўйиладиган талабларни аниқлади. Бу ҳақда «РИА Новости» хабар берди.
Компаниянинг хабарига кўра, астероидаларнинг саноат мақсадида ўзлаштирилишида дастлабки босқичда электр двигателли сайёралараро транспорт модулидан фойдаланиш керак.
Бундай модул двигатель қурилмаси, ёқилғи баки, ҳаётни таъминловчи, алоқа ва уланиш тизимларига эга бўлиши керак. Вазифага боғлиқ ҳолда, модул қўшимча равишда астероидага қўниш ва жойлашиш қурилмалари, қазувчи комбайнни мустаҳкамлаш учун механизмлар, рудаларни ташиш учун контейнерлар ва ресурсларни Ерга «сочиш» учун тушириш аппаратлари билан жиҳозланиши мумкин.
Транспорт модули орқали астероиддаги қазувчи комбайнни энергия билан таъминлаш ва бошқариш таклиф қилинмоқда.
Изоҳ (0)