Давлат хавфсизлик хизматининг Фарғона вилояти бошқармаси ҳамда Бош прокуратура ҳузуридаги департамент ҳамкорлигида ўтказилган тезкор тадбирда депутат ашёвий далил билан ушланди. Бу ҳақда «Ўзбекистон 24» хабар бермоқда.
Данғара тумани халқ депутатлари кенгаши депутати, Қўқон давлат педагогика институтида услубчи лавозимида фаолият юритадиган Муҳайё Қодирова таниши Машҳура Абдураҳимова билан ўзаро тил бириктириб, ўқишга киритиш ортидан мўмай пул ишламоқчи бўлди.
Улар Бешариқ туманидан бўлган танишларининг жиянини Қўқон давлат педагогика институтига ўқишга киритиб қўйишни ваъда қилиб 7 минг доллар талаб қилган.
Шунингдек, фирибгарлар бошқа бир фуқародан Қўқон тиббиёт коллежига ўқишга киритиш учун 800 доллар сўраган.
Ўтказилган тезкор тадбир давомида икки аёл ҳам 7800 доллар билан қўлга олинди. Ҳозирда ушбу ҳолат юзасидан жиноий иш очилган бўлиб, тергов ҳаракатлари давом этмоқда.
https://youtu.be/2t6K8sLIoPk
Изоҳ (0)