Ердан 11 ёруғлик йили узоқликда жойлашган Ross 128b сайёраси тупроғининг таркиби Ерники билан бир хил ва унинг иқлими юмшоқ. Бу мазкур сайёра юзасида ҳаёт мавжудлиги имкониятларини оширади. Бу ҳақда «РИА Новости» хабар берди.
Бразилия миллий обсерваторияси олимлари томонидан маълум қилинишича, мазкур сайёрани Ернинг тўлиқ эгизаги деб аташ мумкин бўлмаса ҳам, унда юмшоқ иқлим ҳукмронлик қилмоқда ва суюқ сув бўлиши керак.
Бир йил олдин олимлар Ross 128 юлдузини кузатиш чоғида Ерга жуда ўхшаш бўлган сайёрани топган. У кўп жиҳатдан Ерга яқин — массаси Ер массасидан 1,3 марта кўпроқ ва Ерга нисбатан 1,4 марта кўпроқ ёруғлик қабул қилади.
Изоҳ (0)